Samband og álit ger alt møguligt gott. Eg veiti ikki bara eina "tænastu", og tú er ikki bara mín “kundi”. Vit eru vinir! Tað ljóðar kanska sindur cheesy, men eg investeri nógv í míni brúdleypspør. Eg gangi so høgt uppí og vil gjarna vera nógv meir enn bara ein fotografur fyri teg. Vit fokusera uppá at skapa saman, heldur enn at bara fáa “myndirnar lidnar”. Eg leggi altíð dent á eitt gott samband, tí eg geri mítt besta arbeiði fyri pør, sum eg síggi sum vinir. Framum alt annað, raðfesti eg, at míni pør hava tað gott og stuttligt. Tey flestu av mínum pørum møta nervøs upp og siga “orsaka vit eru so awkward og hata at taka myndir”, og út mótí endanum av degnum tosa tey um, hvussu stuttligt tað var! Trúgv mær, at taka myndir noyðist ikki at sokka ella vera awkward uppá nakran máta. Eg skal nokk syrgja fyri, at tit hava tað skitið skeg.

Mær dámar væl tá pør bróta burturfrá siðvenjum og gera tað uppá teirra egna máta - tí tað er soleiðis tað EIGUR at vera!! Eg verði so keddur, tá eg hoyri pør siga: “Eg hevði ynskt vit høvdu eitt minni brúdleyp” ella: “Eg hevði ynskt vit heldur gjørdu tað uppá hendan mátan” og havi eisini hoyrt: “Vit dáma ikki eingongd kaku”, í tí tey skulu til at skera í kakuna. Vilja tit giftast til ein festival? Ger tað! Ella kanska fara á eina útferð onkrastaðnis í eitt vikuskifti og siga “ja” til hvønn annan útí við bergseggina? Smekka til! Ger tað! Svartan kjóla og grønan klædning? Koyr avstað. Eg eri við uppá alt, sum kann gera hendan dagin til tykkara heilt egna! Eg stuðli tykkum í øllum, og eri her fyri at hjálpa tykkum á leiðini. Sama hvat tit vilja myndfesta, er løtan verd at lofta fyri at vekja somu minnir og kenslur aftur hjá næsta ættarliði. Eg vil, at tit næstu mongu árini skulu kunna hyggja at myndunum og føla sama kærleika, sum tit føla fyri hvørjum øðrum nú. Eg vil, at tær skulu kennast týdningarmiklar fyri tykkum. Eg vil, at myndirnar siga sannleikan um tykkum.

Eg vil hava at myndatøkan er meira enn bara eitt flugubein strikað av tykkara brúdleyps to-do-lista. Tit hugsa kanska ikki um tað, nú tit eru so fokuserað uppá, hvar øll skulu sita, hvat fyri slag av pynti mann skal hava, blómur, stólar og alt. Men á endanum av degnum, so eru myndirnar tað einasta, sum er eftir. Tað sum eg hoyri ofta frá pørum, sum hava spart uppá myndir til brúdleypið er, hvussu nógv tey angraðu tað. Myndir er nakað sum bara veksur í virði við tíðini, so hvørt myndirnar verða førdar frá ættarliði til ættarlið. Um tit bara “shoppa” runt eftir tí bíligasta fotografinum, so eri eg ikki tað. Og tað er heilt í lagi, tí tit hava uppiborðið at fáa ein fotograf sum passar til tykkara tørv. Eg brenni fyri at fotografera pør, sum trúgva uppá virðið av meingsfullum, autentiskum myndum, sum vara í eina lívstíð.

Eg bindi meg ikki til ein bestemtan stíl, tí øll pør eru ymisk og søgan hjá øllum pørum er ymisk. Eg syrgi fyri, at mátin sum eg samskifti, fotografi og redigeri uppá reflekterar, hvussu parið er, og hvat tey faktiskt føla í løtuni. Tað eru sovorðni lítil ting, sum gera stóran mun! Tær listaligu avgerðirnar eg taki, koma ikki mær til góðar uppá nakran máta, tí hetta er fyrst og fremst tykkara minnir! Tykkara dagur. Ikki mín. Eg fokuseri uppá kvalitet yvir kvantitet, so vit kunnu skapa okkurt fantastiskt saman, sum tit fara at virðismeta so leingi tit liva.

Eg taki bert nøkur fá brúdleyp um árið, og bert nakrar fáar “sessions” um mánan. Eg føli ikki tað er rættvíst fyri mínar kundar, at eg “yvirbooki” meg sjálvan. Tí í síðsta enda merkir tað, at tey ikki fáa mítt besta arbeiði, um eg eri fysiskt, mentalt og listarliga útmattaður. Tey flestu av mínum pørum velja meg ikki bara í ein dag, men typiskt yvir 4 ymiskar “sessions” (forlovilsismyndir, brúdleyp, brúðarhús og ársdag.) Fyri at halda mín kalendara opnan fyri hesum pørunum, og fyri at halda mína leveringstíðir skjótar, so avmarki eg mín kalendara.

Tú hevur allarhelst ikki verið ein brúður ella brúðgommur fyrr, so tit finna útav tí heila so hvørt. Nú eg havi verið til nógv brúdleyp, so nú veit eg nógv um, hvussu og hvat tá talan er um millum annað detaljir, borðplan og onnur ting! Hvussu man fær loyvir til ymisk ting, hvussu man fær best burturúr degnum, skapa minnir við familju og vinum, planlegging, fyrireiking og alt møguligt annað, sum eg vil gjarna hjálpa tykkum við! Eg eri glaður fyri at hjálpa uppá bæði stórar og lítlar mátar - Alt fyri at gera hetta til eina stress-fría uppliving fyri tykkum.

Eg trúgvi, at kærleiki er kærleiki. Eg rúmi øllum individum, sum dáma mínar myndir. Tað er mær ein æra at skapa eitt umfevnandi og trygt umhvørvi fyri bæði LGBTQIA+ fólk og pør. Uttan iva, pausu ella spurning, vil eg gjarna dokumentara ein so stóran “mílastein” fyri eitthvørt menniskja.